LAOAG CITY – Kalikagum ti Provincial Government of Ilocos Norte a mangbuangay ti Management Team a mangiwanwan iti Dap-ayan Commercial Center.
Segun ken ni Engr. Pedro Agcaoili, mangidadaulo ti Provincial Planning and Development Office, daytoy ket maisina a pangopisinaan ti gobierno probinsial.
Inbatadna a daytoy ti kalikagum ni Gov. Matthew Marcos Manotoc a matutukan a naimbag iti operasion ti nasao a pasdek.
Kabayatanna, inpakaammo ni Engr. Agcaoili nga agtultuloy ti pannakapasayaat ti dua kadagiti Big 3 Projects ti probinsia ti Provincial Capitol Expansion ken Ferdinand Edralin Marcos Stadium kangrunaanna Ilocos Norte Research and Extension wenno ti INSPIRE Building.
Kunana a maipatpatungpal iti agdama ti pundo a kiniddaw ti gobierno probinsial iti Department of Punblic Works and Highways.
Mangnamnama ni Agcaoili a mailippas dagiti nasao a proyekto ti probinsia iti kabiitan a panawen.
