LAOAG CITY – Mangipaay ti Provincial Government of Ilocos Norte kadagiti distress Overseas Filipino Workers babaen iti programa a Tulong Panghanapbuhay para sa Returning Overseas Filipino Workers.
Daytoy nga initiabo ket gagem na suportaran dagiti Overseas Filipino Workers nga agsubli ditoy probinsia gapu iti health concerns, labor-related wenno immigration issues, wenno dagiti agkaspolan ti legal assistance manipud kadagiti Philippine authorities.
Mainaig iti daytoy, kalikagum ti gobierno probinsial a mapagtalinaed ti commitment na iti panagdur-as ken pannakaimplementar dagiti nagduduma a programa para iti pagsayaatan dagiti umili.
Kabayatanna, tapno agaplikar iti nasao a programa ket masapol laeng ti Brgy. Certificate of Residency, kopya ti government issued ID, certification of referral manipud iti Philippine Embassy, Consular Office wenno Migrant Workers Office ket mabalin a bumisita iti Office of the Barangay Affairs sakbay iti Desiembre 6, 2024.
