LAOAG CITY – Mangnamnama ni Engr. Pedro Pete Agcoili Jr., mangidadaulo ti Provincial Planning and Devlopment Office a pumasa manen ti gobierno probinsial iti Seal of Good Local Governance.
Daytoy ket kalpasan iti naiyuswat a National Validation itay kallabes.
Segun kenkuana, napintas ti nagresultaan iti naisayangkat a National Validation iti Seal of Good Local Governance iti Provincial Goverment of Ilocos Norte.
Inbatadna a nasungbatanna a nasayaat dagiti saludsod dagiti National Validators no sadinno dakkel ti pammatina a pimmasa manen ti gobierno probinsial iti Seal Good of Local Governance.
Kunana a maammoanto ti nagresultaan ti validation inton maudi a lawas iti masungad a bulan iti Oktubre.
Naammoan a mapadayawan dagiti Local Government Units inton nasapa a paset iti bulan ti Nobiembre.
Kabayatanna, inpadanon ni Agcaoili iti panagyamanna iti Deparment of the Interior and Local Government ditoy probinsia iti pannakaiwanwan ti gobierno probinsial dagiti rumbeng nga aramidenda iti pannakaipatungpal dagiti programa ken proyekto ditoy probinsia.
