LAOAG CITY – Nagballaag ti gobyerno probinsyal iti publiko seknan ti possible a panagregreg dagiti debris ti rocket iti China.
Segun ti gobyerno probinsyal, kangrunaan a pakaseknan ti nasao a ballaag ket para kadagiti barko, eroplano, fishing boats, ken dadduma a klase ti lugan iti danum.
Possible a ti lokasyon a pagregregan ti debris ti rocket ket iti ili ti Burgos.
Immunan nga inpakaammo ti Philippine Space Agency ti naiget a panangmonitor da ti rocket debris manipud ti Long March 7A (CZ-7A).
Iti koordinasyon da iti Civil Aviation Authority of the Philippines, dua a drop zones iti sakop ti Pilipinas ti nabigbig kas naibasar iti Notice to Airmen (NOTAM).
Iti umuna a drop zone ket iti agarup 71 a kilometro manipud iti ili ti Burgos, ti sumaruno ket iti agarup 52 a kilometro a kaadayo na iti Sta. Ana, Cagayan.
Ti nasao a rocket ket naipatayab iti agarup 9:19 idi rabii manipud Wenchang Space Launch Center, Hainan Island.
