LAOAG CITY – Naiget a nakamonitor ti gobierno probinsial ti Ilocos Norte kadagiti aglako ti tabako ditoy probinsia.
Segun ken ni Gov. Matthew Marcos Manotoc, adu ti masaysayang nga excise tax a daytoy ket nasken a maipan ditoy probinsia.
Nupay kasta, natalantan daytoy a banag iti National Tobacco Administration gapu ta adda dagiti aglako ti tabako manipud iti sabali a probinsia tapno maited kadakuda ti buis.
Inlawlawag ti Gobernador nga inlabanda ti kalawa ti mamulmulaan maidasig iti mailaklako.
Inbatadna nga adda pay dagiti credit grabbers nga isu ti pagriririan dagiti dadduma.
Iti agdama, naiget ti suporta dagiti Local Chief Executives gapu ta dakkel daytoy a pamastrekan dagiti nagduduma nga ili.
Kabayatanna, inpakaammo ni Sangguniang Panlalawigan Member Jonathan Torralba nga adda dagiti certificate of purchase nga ipakpakita dagiti mapan aggatang kadagiti border tapno maited met laeng ti buis iti husto nga ili.
