LAOAG CITY – Inbagian ni Bise Gob. Cecilia Araneta Marcos ni Gob. Matthew Marcos Manotoc a nangawat ti maysa manen nga ambulansia a naidonar para iti Provincial Government of Ilocos Norte.
Naggapu ti nasao a donasion manipud iti Northpoint Alliance Motors Corporation wenno NAMCo wenno ti Mitsubishi Motors Ilocos babaen iti tulong ni Mr. Hanson Chua.
Naammoan a kinadua ti bise gobernadora dagiti sumagmamano a kameng ti Sangguniang Panlalawigan a nangawat iti nasao nga ambulansia kas kada Bokal Donald Nicolas, Bokal Medeldorf Gaoat, Bokal Gian Carlo Crisostomo, Bokal Jonathan Torralba pakairamanan da ABC Federated Pres. Ryan John Pascua ken ni SK Federated Pres. Eldritze Viernes.
Iti agdama, saan pay a naammoan no pakaipanan ti nadakamat nga ambulansia.
Nupay kasta, ibilang dagiti opisial ti probinsia a dakkel a tulong daytoy para kadagiti umili.
