LAOAG CITY – Namnamaen ti Provincial Government of Ilocos Norte a saanen nga agkurang ti suplay ti nateng ditoy probinsia babaen ti naipaay a seed library iti ili ti Pasuquin kangrunaanna iti Ilocos Norte Agricultural College wenno INAC.
Gagem ti gobierno probinsial a maisentro kadagiti umili ti pannakaipatungpal ti nasao a proyekto kas kadagiti programa ken proyektoda.
Mamatida a masapol a marikna ti komunidad wenno dagiti agad-adal, mannalon ken dagiti umili ti maipaay daytoy a pagsayaatan.
Babaen iti daytoy a proyekto ket ad-adda pay a matagiben ti kinaberde ti aglawlaw gapu ta maysa daytoy kadagiti ipanpannakkel ti probinsia.
Mainaig iti daytoy, nagyaman ti gobierno probinsial iti Energy Development Corporation wenno EDC iti naiget a suportada iti nasao a proyekto.
Kabayatanna, babaen ti tulong ti Energy Development Corporation ket masigurado a maitultuloy ti operasion ti nasao a proyekto.
