LAOAG CITY – Plano ti gobierno probinsial a manayonan ti bilang dagiti Barangay Ranger Officers nga agbantay kadagiti kabambantayan ditoy probinsia.
Daytoy ti inpakaammo ni Mr. Marcell Tabije, mangidadaulo ti Provincial Disaster Risk Reduction and Management Office.
Segun kenkuana, daytoy ket tapno maliklikan dagiti mapaspasamak a grass fire ken forest fire ditoy probinsia.
Inbatadna a naiget nga agbanbantay dagiti forest fire incidents kadagiti kabambantayan tapno maipasigurado nga awan ti mapasamak nga aniaman a mangitunda ti uram.
Innayonna nga addan ti immun-unan a panagtataripnongda kadagiti nagduduma a maseknan nga ahensia maipanggep iti nasao a banag.
