LAOAG CITY – Inbatad ni Gov. Matthew Marcos Manotoc, a saanda a manmandaren a mangipaay ti return service dagiti nagbalin a scholar ti gobierno probinsial kalpasan iti panagadalda.
Inlawlawagna a gutgutigutenda dagitoy nga agubra iti probinsiya ngem saanda nga obobligaren wenno piliten nga agaplikar.
Kinunana a kangrunaan nga awawisenda ket dagiti medical scholars tapnu makatulong iti agkurkurang a medical workers.
Inpetteng ti gobernador a babaen ti work readiness program ken internship program ti national government, ket makatulong ti panakaipaay ti serbisyo iti publiko ken masuposopan dagiti kasapulan ti mangmanged.
Kabayatanna, namnamaen ti gobernador nga adda ti boluntaryo a panagtrabaho dagiti scholars ditoy probinsia.
