LAOAG CITY – Nangiparuk-at ti opisial a panagballaag ti Philippine Embassy iti France para iti intero a Filipino community ti nasao a pagilian iti pinaiget a pannakaipawil iti illegal gambling ken ti pannakipagpaset iti pammallot idiay France.
Imparuk-at ti embahada ti pormal a panagballaag kalpasan a naipakaammo kadakuada dagiti iligal nga aktibidad idiay France nga adda pakainaigan dagiti sumagmamano a Pilipino.
Basar iti rakurak ti embahada, nakaawat dagiti lokal nga otoridad dagiti reklamo mainaig iti panangbulabog ken kinaawan ti disiplina iti panangibelleng ti basura dagiti sumagmamano nga indibidual kadagiti lugar a pagsusugalan.
Gapu iti daytoy, binallaagan ti embahada dagiti Pilipino a ti iligal a pannakipagpallot ket maibilang nga animal cruelty a mabalin a madusa dagiti aglabsing ti tallo a tawen a pannakaibalud ken panagmulta ti 45,000 euros.
