LAOAG CITY – Nalpasen ti oral arguments ti Korte Suprema mainaig iti kontrobersial a pannakaiyakar ti pundo ti Philippine Health Insurance Corporation wenno PhilHealth a maipan iti National Treasury.
Nagpaut ti pito nga oras ti pannakatalantan ken panangsaludsod dagiti mahistrado no nainkalintegan daytoy iti Konstitusion ti pannakaisubli ti P60 billion manipud iti orihinal nga P89.9 billion a pundo ti PhilHealth funds tapno usaren iti unprogrammed appropriations.
Inlawlawag ni Finance Secretary Ralph Recto nga awan ti ginastos ti PhilHealth idi kangitingitan ti COVID-19 pandemic no sadinno a nakapastrek pay daytoy.
Naammoan a sakbay a nalpas ti oral arguments, mismo a ni Chief Justice Alexander Gesmundo ti nagsaludsod iti opisial ti PhilHealth mainaig iti sumagmamano a daras a panangbabalaw ti Commission on Audit (COA) kadagiti benepisio ken bonus.
Mainaig iti daytoy, da Chief Justice Alexander Gesmundo ken PhilHealth Senior Vice President Reynaldo Limsiaco Jr.
Kabayatanna, kalpasan ti oral arguments, inbilinen ti Korte Suprema a mangisubmitir ti palawag ti agsinnungbangir a grupo ti memoranda iti uneg ti 30 nga aldaw.
