LAOAG CITY – Inlawlawag ni Mr. Alvin Ubasa, Social Insurance Officer I iti Philhealth nga ibaklay ti korporasyon ti magastos dagiti nai-confine iti ospital gapo iti covid-19.
Segun kenni Ubasa, ipaay ti Philhealth dagiti nagduduma a benipisyo kadagiti pasyente a ma-admit iti ospital gapo iti virus ken adda ti kategorya a masurot.
Kunana a ti ummuna a katergorya ket ti Mild Pneumonia ken masapol a dagiti pasyente ket mataming iti level 1- agingga iti level 3 hospital iti private room ket agdagup ti 43,997 a pisos.
Ti maikadwa ket ti Moderate Pneumonia, masapol a ma-admit iti level 1 agingga iti level 3 hospital iti private room ken agbalor ti 143,267 a pisos daytoy.
Inbatad na a ti maikatlo ket ti Severe pnuemonia, nasken met a maconfine iti Level 2 agingga iti level 3 hospital iti particular iti ICU ken private room nga agbalor met ti 370,519 a pisos.
Ti maikapat ket ti Crtical Pneumonia, ma-admit met ti pasyente iti level 2 agingga iti level 3 hospital iti ICU ken addaan ti kapisidad ti balay pagagasan a mangiysuwat ti Extracorporeal membrane oxygenation ken hemodialysis nga agdagup met ti 786,384.
Kunana nga uray lumabes ti magastos ti maysa a pasyente kadgaiti nadakamat a kantidad ket nasken nga awan ti pangadanagan na gapo ta ibaklay latta ti philhealth daytoy.
Innayon na a ti transaksyon para iti benipisyo ket maiyuswat iti nagbaetan ti Philhealth ken ospital.
