LAOAG CITY – Inpasigurado ti Philippine Health Insurance Corporation (PhilHealth) a kissayan ti premium contribution rates dagiti miembro manipud iti 5% agingga iti 3.25% ken paatiddogen ti hospital coverage ti agingga iti 50% mangrugi inton sumaruno a bulan iti baet nga awan ti maaw-awatna a subsidiya manipud iti gobierno.
Inaramid ni PhilHealth President ken CEO Emmanuel Ledesma Jr. daytoy a karina iti panagdengngeg ti Blue Ribbon Committee ti Kamara kas sungbat iti panawagan dagiti agpanpanday linteg nga ad-adda nga usaren ti dakkel a pundo ti ahensia tapno direkta a mabenepisiaran dagiti miembro.
Inlawlawag ti mandato ti PhilHealth a liklikan ti kontribusion no lumabes ti reserve funds iti kasapulan a ceiling para kadagiti gastosen.
