LAOAG CITY – Pinatgan ti Philippine Health Insurance Corp.(PhilHealth) ti panangipaay ti libre a teleconsult health services para kadagiti solo parents ken dependents da.
Daytoy ti inbatad ni Camarines Sur Representative Atty.LRay Villafuerte.
Segun kenni Villafuerte, ti nasao a PhilHealth benefit para iti single parents ken dagiti annak a rehistrado wenno dependents a nakarehistro iti Solo Parents Offices (SPOs) wenno Solo Parent Divisions (SPDs) ti ili wenno munisipalidad a pagnanaedan da ket maipaayan benepisyo iti babaen ti Philhelath Circular No. 2024-0020 a naiparuk-t idi Sept.28 ken nakaipalaon iti Expanded Solo Parent Law.
Makaala pay ti Konsulta Package iti PHilHealth benefit dagiti solo parents a maiyannatop iti agdama a pagalagadan.
Naamoan a dagiti nasao a benepisyo ti PhilHealth ket nasursurok pay ngem iti binolan a cash subsidy para kadagiti solo parent a makapaspastrek ti minimum a sweldo wenno nababbaba ken 10% a diskwento karaman ti exemption manipod iti 12% a value-added tax (VAT) iti sumagmamano a napapateg a magatgatang kas naipalaon iti linteg ditoy pagilian.
