LAOAG CITY – Nagbayad ti Philippine Health Insurance Corp. (PhilHealth) ti P1.82 billon a Z Benefits claims manipud iti bulan ti Enero agingga iti Hunio 2026 a nakatulong kadagiti 34,268 a miembro nga addaan iti nadagsen ken nakaro a sakit a kasapulan ti nabayag ken nangina a panagagas.
Basar iti maysa nga advisory ti PhilHealth a ti Z Benefits Package ket mangipaay ti panangsagut para kadagiti nangina a medikal a panagagas para kadagiti pasiente nga addaan iti kritikal a sakit, tapno makissayan ti financial burdens-da.
Kinuna ti ahensia a dagiti kontribusion dagiti miembro ket makatulong a mangpondo iti pinansial a suporta para kadagiti pasiente a kasapulanna ti panagagas para kadagiti sakit a mangam-ames ti biag.
Imbaga pay ti PhilHealth nga addan ti nausar a P210.09 billion a pakabukelan a health care claims iti umuna a gudua ti tawen 2026.
