LAOAG CITY – Ginutigot ni Senadora Loren Legarda ti Philippine Health Insurance Corporation (PhilHealth) nga usaren ti surplus funds tapno palawaen ti benepisio ken ti pannakaipatungpal ti Universal Health Care (UHC) Law.
Inarisit ni Legarda ti pundo ken ti panangimaton ti PhilHealth kalpasan a naikkatan isuda ti P74-billion a subsidiya iti general appropriations para inton 2025.
Gapu iti daytoy, namnamaen ti PhilHealth ti surplus-da ken reserve funds tapno pundoan ti operasion inton sumaruno a tawen.
Inbatad ni Legarda, nasken nga usaren ti PhilHealth ti PHP 150 billion surplus daytoy tapno masigurado ti tunggal Pilipino ket addaan ti access iti dekalidad a serbisio iti salun-at.
