LAOAG CIY – Pormalen nga inawat ti Philippine Air Force (PAF) dagiti maudi a pito nga S-70i Black Hawk helicopter.
Dagiti pito a Black Hawk helicopter ket paset ti 32 unit acquisition program a ginatang ti gobierno manipud iti PZL Mielec ti Poland.
Gapu iti daytoy, ti PAF ket addaan iti agdagup a 47 nga S-70i Black Hawks, a rason a ti pagilian ti addaan iti kaaduan a helikopter iti nagduduma a kita iti Asia.
Naisayangkat ti turn over ken bendision dagiti pito a helicopter iti 250th Presidential Airlift Wing Hangar iti Villamor Air Base iti Pasay Ciy idi kalman, Mierkoles, Agosto 26.
Indauluan ni PAF Commanding General Lt. General Arthur Cordura ti panangawat kadagiti helikopter.
Nakontrata ti 32-unit acquisition idi 2022 iti babaen ti modernization program ti Armed Forces of the Philippines (AFP).
Inbatad ni Cordura a nakompleton ti nabayagen a kinakurang ti combat utility helicopter capability ti Philippine Air Force.
Idi 2019, nagpirma ti PAF iti kontrata para iti 16 nga S-70i Black Hawks, a naited manipud 2020 agingga 2021.
Nausar dagitoy para iti humanitarian assistance kasta met iti disaster response ken relief operations kabayatan ti bagyo nga Odette.
Bayat nga idi 2022, pinaatiddogda ti panaggatang ken nagpirmada para iti 32 a kanayonan nga S-70i a helikopter, a naited manipud 2024 agingga iti 2026.
