LAOAG CITY – Inbatad ni Philippine Army (PA) commander Lt. Gen. Roy Galido nga adda ti sangsangwen ken tutukan da a baro a security challenges ti Philippine Army.
Iti mensahe na iti selebrasyon ti maika-128 a Founding Anniversary ti Philippine Army, inbatad ni Galido a ti Army a nakatutuk idi iti internal security ket nakapokus iti agdama iti territorial defense, kagiddan ti panangibaga na a sumangsango iti external threats ti pagilian.
Inbatad pay ni Galido a nakatutuk ti Philippine Army iti maysa a game-changing mission a mangipasigurado iti napigsa, dakdakkel ti kabaelan na ken future-ready force.
Innayon na a daytoy a panagbalbaliw ket nakalinya iti Comprehensive Archipelagic Defense Concept (CADC), a mangipasigurado a ti Philippine army ket agtultuloy nga agtrabtrabaho kadwa na ti Navy ken Air Force tapno salakniban ti nalawa a national territory ti Pilipinas.
Kuna pay ni Galido a ti papel ti Philippine Army ket protehiran ti ‘land domain’ bayat a supsuportaran da ti ‘coastal ken littoral operations.’
