LAOAG CITY – Inbatad ti Department of Agriculture (DA) a nakaaramid ti pagilian ti umuna a komersial a panagipatulodna kadagiti fermented cacao beans idiay New Zealand, a mangtanda iti pannakaparang-ay ti lokal nga industria ti cacao.
Ti pannakaipatulod ti 6,000 kilograms ti fermented cacao manipud Kapalong, Davao del Norte ket naaramid idi napan a Hulio 13 ken manamnama a makadanon iti Port of Lyttelton iti katengngaan ti Agosto.
Kinuna ti DA a nagdalan dagiti beans iti lima nga aldaw, wenno 120-oras a fumigation process. Sinaruno dayta ti kasapulan nga aeration period sakbay ti pannakaipatulod.
Ti kaudian a kargamento ket dandani katupag ti dagup a cacao exports ti Pilipinas a 6,232 metric tons idi 2025.
