LAOAG CITY – Kinarit ti Philippine Coast Guard (PCG) ti presensia ti Chinese Coast Guard (CCG) 3304 iti kabaybayan ti Zambales gapu ta binagaanna daytoy a pagtalinaed ti maysa a natalged a distansia manipud kadagiti lugan dagiti mangangalap a Pilipino.
Inpetteng ti Philippine Coast Guard, ti presensia ti barko ti China ket mangitunda ti dakkel a pangta iti kinatalged dagiti mangngalap ken dagiti lugan a pangbaybay.
Daytoy ket kalpasan nga inrakurak ti Philippine Coast Guard a naabogda ti barko ti China nga umadayo iti kabaybayan ti Zambales.
Malaksid iti Chinese Coast Guard 3304, banbantayan ti Philippine Coast Guard ti tallo pay a Chinese vessel iti lugar pakairamanan ti CCG-5901 wenno ti monster ship, CCG-3502 ken CCG-3103.
Innayon ti Philippine Coast Guard a ti BRP Magbanua ket agtultuloy nga iradradyona iti barko ti China tapno ipetteng a dagiti Pilipino ti adda ti karebbenganna tapno agkalap iti kabaybayan.
