LAOAG CITY – Agsagsagana ti Philippine contingent para iti Asian Winter Games 2025 a maangay inton Pebrero 7-14, 2025 idiay China.
Segun ken ni Richard Lim, ti Chef de Mission ti Pilipinas para iti daytoy nga sports competition, 20 a Filipino athletes ti makisalip. Manipud iti duapulo nga sporting events, makisalipda iti innem nga events.
Kinunana nga umdasen ti nasao a bilang, nangruna ta saan a nairuam dagiti atleta a Pilipino nga agay-ayam kadagiti winter games wenno sporting events a maangay kadagiti lugar a napuskol ti niebe na.
Iti maudi nga aldaw ti Enero 2025, manamnama a pumanaw ti umuna a batch dagiti atleta a Pinoy idinto a sumaruno ti dadduma iti umuna a lawas ti Pebrero.
Segun ken ni Lim, ti Philippine contingent ti mangkamat iti opening ceremony inton Pebrero 7.
Sumagmamano kadagiti ay-ayam a pakisalian dagiti atleta a Pilipino ket ti figurescating, skiing, curling, ken dadduma pay.
Kabayatanna, nupay 20 laeng nga atleta a Pilipino ti makisalip iti Asian Winter Games 2025, kinuna ni Lim a daytoy ti kadakkelan a team nga ibaon ti Pilipinas iti kastoy nga sporting event.
