LAOAG CITY – Inpaganetget ni Presidente Ferdinand “Bongbong” Marcos Jr. ti kinasagana ti Philippine economic zones para iti panaglukat kadagiti negosio ditoy pagilian no sadino a kunana a ti designated development sites ket nakalukat para kadagiti amin a foreign investors.
Segun ken ni Chang Dae-hwan, Chairman ti South Korea’s Maeyeong Media Group, inpetteng ti Presidente nga available ti business ken trade opportunities iti economic zones.
Inbatad met ni Presidente Marcos a mangididiaya ti ecozones ti common tax code ken incentive scheme isu a saan a masapol a makikoordinar kadagiti locator companies kadagiti nagduduma a Local Government Units.
Dinakamatna pay a ti Clark Freeport and Special Economic Zone idiay Pampanga ken New Clark City idiay Tarlac no sadino ditoy a naiyuswat ti investment arrangements.
