LAOAG CITY – Saan a paboran ti Philippine Hospital Private Association-Ilocos Norte Chapter dagiti probisyon iti Universal Health Care Law.
Daytoy ti inbatad ni Doctor Alan Taylan, agtagikua iti Saint Camillus De Lellis General Hospital ditoy ciudad ti Laoag.
Inlawlawag na a kayat da ti makatulong kadagiti pasyente ngem masapol a maamoan ken mailawlawag a naimbag kadakuada nga umuna ti Implementing Rules and Regulations (IRR) ti nasao a paglintegan.
Kuna ni Doctor Taylan a rebbeng laeng a maamoan da no siasinno dagiti macoveran ti Universal Health Care Law.
Innayon na nga ado pay laeng a proseso sakbay a naan-anay a maiyimplementar daytoy a linteg.
