LAOAG CITY – Agtultuloy ti panagdur-as ti manufacturing sector ti pagilian inton bulan ti Pebrero iti baet nga apagapaman a gimminad maidasig iti nairekord a panagdur-as idi Enero.
Iti report nga inruar ti S&P Global, ti panagdur-as ti Philippine Manufacturing Purchasing Managers’ Index (PMI) ket bimmaba ti 51 idi Pebrero manipud iti 52.3 idi Enero.
Ti Purchasing Managers’ Index a nangatngato iti 50 ket mangipasimudaag ti panagdur-as iti sektor idinto a ti nababa iti neutral score ket mangipasimudaag ti panagkapsot.
Basar pay iti report nga apagapaman a dimmur-as dagiti baro nga order ken moderated output, ngimmato met ti employment levels dagiti manufacturer.
Mangnamnama dagiti manufacturer nga agtultuloy ti panagdur-as ti produksion iti sumaruno a maysa a tawen.
