LAOAG CITY – Impasigurado ni Senate Majority Floor Leader Francis Tolentino iti Bureau of Fisheries and Aquatic Resources (BFAR) a saan laeng a dagiti lugar a pagkalkalapan iti West Philippine Sea (WPS) ti masalakniban no di ket maikkan pay ti importansya dagiti fishing grounds iti intero a lubong apaman a maipatungpal ti Philippine Maritime Zones Law.
Segun ken ni Tolentino, ti Philippine Maritime Zones Laws ket makatulong daytoy agsipud ta ti contiguos zone ti mangipalubos iti pagilyan a mangipatungpal kadagiti linteg maipapan iti aglawlaw.
Segun kenni Bureau of Fisheries and Aquatic Resources Spokesperson Nash Briguera, agarup 385,000 a mangngalap manipud iti uppat a rehion iti Pilipinas ti mangnamnama iti kinabaknang ti West Philippine Sea.
Nagtulag ni senador Tolentino ken Briguera a ti pannakadadael dagiti marine ecosystems ken living organisms iti West Philippine Sea ket makaapektar kadagiti dadduma pay a pagkalapan iti intero a lubong.
Nupay kasta, inadmitir ni Tolentino a saan a bigbigen ti China ti Philippines Maritime Zones Law, ngem kunana, nga adda obligasionna iti sidong ti international law.
