LAOAG CITY – Inbatad ni Police Lt. Col. Joseph Baltazar hepe ti Philippine National Police ditoy ciudad ti Laoag nga adda direktiba kadakuada a masapol a paiggetan da ti agmonitor kadagiti saan a lisensyado a paltog wenno kulorom gapu ti mapaspasangasangan a Barangay ken Sangguniang Kabataan Election kadaytoy a bulan ti Oktubre.
Inlawlawag ni Baltazar a naiget ti pannawagan da kadagiti residente a no saan a naka-renew dagiti paltog da ket nasaysayaat nga isuko da daytoy iti nailian a pulisya.
Segun kenkuana, namin adon a daras a pinatuludan da ti surat dagiti gun holder.
Kinuna na a no saan paylaeng a mapan isuko dagiti nasuratan dagiti saan a nakalisensya a paltog da ket iyuswat dan iti search operation.
Kabayatanna, umaboten ti 137 a paltog ti naisuko sipud idi bulan ti Agosto 28, aginggana iti daytoy a bulan ti Oktubre.
