LAOAG CITY – Iwayat ti Philippine National Police iti ciudad ti Batac ti panagimbestigar mainaig pay laeng ti imun-unan a narekobre dagiti kameng ti pulisya a tinabtablon a kayo iti Sitio Bulilising, Barangay Rayuray iti ciudad ti Batac.
Segun ken ni PLt. Adrian Gayuchan ti hepe ti Philippine National Police iti nadakamat a ciudad, ket adda metten ti pannakikoordinar da kadagiti opisyal iti nasao a barangay tapno maamuan no siasinno dagiti adda iti likodan dagiti tinabtablon a kaykayo.
Naammuan nga addaan daytoy ti sizes a 121.02 board feet sizes ken market value a 7,261 pesos.
Bayat ti panagturong dagiti kameng ti pulisya ket narekobre ti lima a pedaso ti 200 centimeter by 18 centimeter, uppat a 200 centimeter by 10 centimeter ken lima a 180 centimeter by 15 centimeter.
Mainaig iti daytoy ket immunan a nakikoordinar ti kameng ti pulisya iti Community Environment and Natural Resources tapno madeterminar dagiti narekobre a kayo no sadinno a kinumpirmaran da a kayo ti mahogany daytoy.
