LAOAG CITY – Mannarimaan iti pananginspek dagiti kameng ti Philippine National Police iti ili ti San Nicolas kadagiti accacia lumber a maibi-biyahe manipod iti cuidad iti Batac.
Basar iti imbestigasyon iti Philippine National Police iti ili ti San Nicolas adda met ti travel permit dagiti indibidual nga agibi-biyahe iti ili ti Pinili.
Maipagarop a naipakita dagitoy nga immunan iti biang ti Deparment of Environmnet and Natural Resources ngem apaman a naibiyahe dagitoy iti ili San Nicolas ket nagturong manen dagiti kameng ti Deparment of Environmnet and Natural Resources tapno rukuden dagiti nasao nga accacia lumber ngem saan nga agpapadan dagiti rukodda.
Mainaig iti daytoy, agdama nga kitkitan dagiti kameng ti Philippine National Police iti ili ti San Nicolas daytoy nga isyu.
Kabayatanna, nagtalinaed iti kostodiar iti Philippine National Police iti ili ti San Nicolas dagiti nagibyahe apaman a maiyus-uswat ti inspeksyon kadagiti accacia lumber .
Maipalagip, a naiget a maipawil ti agibiyahe iti kakastoy a klase ti kayo gapu ta adda iti pagalagadan a sursruten dagiti kameng ti Philippine National Police.
