LAOAG CITY – Inpangaton ti Philippine National Police (PNP) ti seguridad iti panangrugi ti kampanya dagiti lokal a kandidato ita nga aldaw.
Inbilin ni Philippine National Police Chief Gen. Rommel Francisco Marbil iti amin a regional offices a bantayan a naimbag ti masakupan da tapno maliklikan ti aniaman a krimen.
Kuna na a mapaigetan ti presensya ti pulisya kadagiti campaign events, ken nakanselar ti amin a leave dagiti pulis tapno masigurado a 75% ti pwersa ket nakasagana nga agpatrolya.
Inpetteng ni Marbil ti naiget a panagbantay kadagiti election hotspot, gapu ta nabarbara ti laban iti lokal a pulitika.
Mainaig iti daytoy, nagballaag ni Marbil kontra iti aniaman a gandat a panangbutbuteng wenno akisaknap ti kinadamsak kagiddan ti panangipasigurado na ti dagus a panagresponde dagiti otoridad.
Kuna na a masapol nga agbalin nga alerto, alisto nga agtignay ken agtalinaed a neutral dagiti pulis.
