LAOAG CITY – Nangisumitiren ti listaan ti ‘Potential Election Areas of Concern’ ti Philippine National Police (PNP) iti Commission on Elections (COMELEC).
Segun ken ni Philippine National Police Spokesperson Police Colonel Jean Fajardo, ti insumitir da a listaan ket nakadepende iti Commission on Election gapu ta maipadalan pay daytoy iti validation ti joint security council.
Innayon ni Fajardo nga adda ti uppat a kategorya para kadagiti validated election-related incidents a mabalin a mailinya iti ‘yellow category’.
Kuna pay ni Fajardo a ti nagbalin a parameters ti Philippine National Police tapno mairaman ti maysa a lugar kas potential election areas of concern ket ti nangato a kaso ti intense political rivalry ken ti presensya dagiti private armed groups.
Kabayatanna, inrakurak ti Commission on Elections (Comelec) a dumalan pay iti validations ti listaan ti Philippine National Police.
Iti agdama ket saan pay a makitkita ti poll body nga ideklarar nga ‘areas of concern’ dagiti nasao a lugar para iti mapaspasangasangan a 2025 midterm elections.
