LAOAG CITY – Naglikudan ni Police Captain Bjay Calivoso, ti chief of police ti Philippine National Police iti ili ti Nueva Era ni Mrs. Nora Mamadil iti Barangay Poblacion a saan da nga ak-aksyonan ti reklamo na seknan iti panangprobokar kadakuada ti bayaw na.
Segun kenni Calivoso, tunggal adda ti reklamo ni Mrs. Mamadil ket agresponde met dagiti otoridad ken basar pay iti palawag dagiti karruba ti maseknan ket awan met ti iggem ni Mr. Romeo Mamadil nga armas ken awan ti pakakitaan nga isuna ket agdangran.
Inlawlawag na pay nga idi nagresponde da idi laeng Disyembre 15 ket ni Romeo ti nadangran gapo ta napalek dagiti saka na ken napan da inpamedical.
Inadmitir met ni Calivoso a ti problema kenni Romeo ket agsao-sao no tunggal makainom ti nasanger ken binagbagaan da met daytoy.
Inpetteng pay ni Calivoso a saan a pudno ti alegasyon ni Mrs. Nora Mamadil nga iti naminsan a panagresponde dagiti otoridad ket maipagarop a kinita da laeng ti buneng ni Romeo gapo ta ammo da met a masapol a makumpiskar daytoy gapo ta mabalin a makadangran.
Mainaig iti daytoy, kunana a binalakadan na pay ni Mrs. Nora Mamadil a no kayat na ti agreklamo kontra iti bayaw na ket sidadaan ti kapulisan a mangasistir kenkuana.
Kabayatanna, intono malem ket agsasarita manen da Romeo ken Nora Mamadil seknan iti napasamak idi Disyembre 15.
