LAOAG CITY – Rinugyanen ti Philippine National Police ti nagibunong ti high visibility vest kadagiti motorista a masalamaan da nga awan ti suot na nga high visibility vest.
Police Lt. Col. Adrian Gayuchan, ti chief of police iti nasao a ciudad.
Segun ken ni Gayuchan, adda ti 200 nga high visibility vest a nakasagana nga ipaay da kas regalo para kadagiti maseknan a motorista.
Inpakaammo na a ti nasao nga addang ket pammilin a mismo iti Ilocos Norte Police Provincial Office.
Immunan nga inbatad ni Gayuchan a sitaen ken ballaagan da paylaeng dagiti makita da a motorista nga awan ti suot na nga high visibility vest agingga iti katapusan ita a tawen.
Nupay kasta, nagballaag ti chief of police nga apaman a matappugan ti Enero 2024 ket rugyan dan ti agtiliw ken mangisyu ti ticket kadagiti motorista nga awan ti suot na nga high visibility vest mangrugi iti oras ti alas-sais iti rabii.