LAOAG CITY – Imatonanen ti Philippine Olympic Committee (POC) ti Billiard Sports Confederation of the Philippines (BSCP).
Daytoy ket kalpasan a sinuspenso ti Asian Confederation of Billiard Sports (ACBS) ti Billiard Sports Confederation of the Philippines gapu iti adu a panaglabsing iti pagannurotan.
Iti surat ti Asian Confederation of Billiard Sports iti Philippine Olympic Committee iti babaen ken ni secretary-general Atty. Wharton Chan a nasken a mangbukelda ti disciplinary committee tapno imbestigaren dagiti nasao a panaglabsing.
Naammoan a dagiti sumagmamano a nakita a panaglabsing ay angket ti conflict of interes, napaay a mangiwayat ti eleksion, saan a panangtaripato kadagiti billiard athletes ken ti panangiwayat ti torneo a saan nga inaprobaran manipud iti Asian wenno world governing bodies.
Naibilin payen ti Asian Confederation of Billiard Sports (ACBS) ti Philippine Olympic Committee a mangbukel kadagiti umaayam a makipaset iti international tournamnents kas iti World Games idiay Chengdu-China a maisayangkat inton Agosto 7 agingga iti 17.
