LAOAG CITY – Agtultuloy ti isaysayangkat a training ti Philippine Red Cross – Ilocos Norte Chapter nangnangruna ti Disaster Management a makatulong tapno agbalin nga alerto dagiti indibidwal nu adda dagiti kalamidad a sumangbay.
Daytoy ti inbatad ni Ms. Edna Orcino ti Chapter Administrator ti Philippine Red Cross – Ilocos Norte Chapter.
Innayonna a daytoy ket importante a maamwan dagiti umili aglalo ket naruay dagiti napasaran ti probinsya kadagiti nalabas a bagyo.
Kabayatanna, malaksid iti daytoy ket inpettengna nga agtultuloyda a mangiwaywayat ti blood letting activity tapno mamenatenar ti suplay ti dara ditoy probinsya.
