LAOAG CITY – Kinumpirmaran ti Philippine Red Cross – Ilocos Norte Chapter a bumasbassit dagiti agidondonar ti dara tunggal madanon ti ber months.
Segun ken ni Mrs. Edna Orcino, Administrator ti Philippine Red Cross – Ilocos Norte Chapter, daytoy ket posible a resulta iti kinaadu dagiti pakakumikoman dagiti indibidual iti pannakaselebrar ti christmas season.
Inbatadna a saan a linged nga iti tunggal kastoy a panawen ket adu dagiti maisaysayangkat a programa ken aktibidad.
Inlawlawagna a no adu dagiti agkasapulan ti dara ket ad-adda a magutigotda nga agsarak ti ad-adu met a volunteers ken donors nga agidonar ti dara.
Mainaig iti daytoy, maragsakanda nga adda dagiti grupo a mangiyus-uswat ti dadduma nga istratehia kas ti panangselebrar ti paskua babaen iti panagidonar ti dara.
Innayon ti Administrator ti Philippine Red Cross – Ilocos Norte Chapter a napintas daytoy nga ideya gapu ta imbes a materyal a banag ti iregaloda ket napinpintas no gift of blood.
