LAOAG CITY – Nagyaman ni Ms. Mary Ang, chairman ti Philippine Red Cross Ilocos Norte-Laoag City chapter ken mangidadaulo iti Filipino-Chinese Chamber of Commerce kadagiti nakipagpaset iti maika-71 nga anibersaryo ti organisasyon a tumultulong kadagiti agkasapulan ti dara.
Kuna na a saan da a magun-od iti kastoy a kabayag ti serbisyo da no awan iti suporta manipud kadagiti amin nga ahensya ti gobyerno, gobyerno probinsyal ken iti biang ti pribado a sektor.
Nagyaman pay ni Ms. Ang kadagiti volunteers ti red cross nga uray awan iti gungunada ket sidadaan da latta a tumulong.
Mainaig iti daytoy, iti panagbitla ni Senior Board Member Mathew Marcos Manotoc a nangibagi iti gobyerno probinsyal ket sinaludaran na ti kinabayagen a serbisyo ti Philippine Red Cross a tumultulong kadagiti agkasapulan iti dara ken panagserbi na iti publiko.
