LAOAG CITY – Nagpirma ti Philippine Red Cross ti Memorandum of Agreement kadwa na ti Commission on Elections ken ti Department of Health.
Gagem ti nasao a katulagan a masigurado ti kinatalged ken naurnus a sitwasyon dagiti botante iti Barangay ken Sangguniang Kabataan Elections iti intero a pagilyan.
Iti maysa nga statement, inbatad ti Philippine Red Cross nga iti kaaldawan ti Barangay and Sangguniang Kabataan Elections ket mangiwaras ti organisasyon da ti 1,000 emergency medical services personnel ken volunteers tapno adda ti dagus nga agresponde iti aniaman nga emerhensya.
Kuna ti organisasyon a dagiti emergency medical services personnel ket mangiwanwan ti first aid stations, Emergency Medical Services mobile units, Emergency Medical Services foot patrols ken dagiti ambulance units nga adda iti perimeter ti voting precincts iti kaaldawan ti eleksyon.
Segun ken ni Philippine Red Cross Chairman ken Chief Executive Officer Richard “Dick” Gordon, inpaganetget na ti kinapateg a maaddaan ti Emergency Medical Services personnel ken ambulansya kadagiti dadakkel a panagtitipon. Ti katulagan ket pinirmaan da Philippine Red Cross Secretary-General Dr. Gwen Pang, Commission on Elections Chairman George Erwin Garcia ken ni Department of Health Undersecretary ken Chief of Staff Dr. Gloria Balboa.
