LAOAG CITY – Nagpakdaar ti Philippine Statistics Authority (PSA) ti publiko kontra kadagiti online scams nga agwarwaras ita ken mangididiaya iti P5,000 a tulong pinansial para kadagiti National ID holders.
Iti advisory ti Philippine Statistics Authority, kinuna da a fake news dagiti agwarwaras a post online ken awan pakainaiganna iti ahensia.
Gapu iti daytoy indagadag ti Philippine Statistics Authority iti publiko nga agannad ken liklikan ti pannakabiktima kadagiti kastoy nga scam.
Nupay kinuna ti ahensya a ti National ID ket agserbi a pammaneknek ti kinasiasino dagiti nagduduma a transaksion, inlawlawag ti Philippine Statistics Authority nga anaman a benepisio manipud iti gobierno ket maipaay maibasar kadagiti pagannurotan ken dagiti ahensia nabgruna kadagiti government agencies.
Kabayatanna, nagballaag da iti publiko nga ireportda ti aniaman nga online scams mainaig iti National ID cash assistance iti kaasidegan nga opisina ti Philippine Statistics Authority tapno mapatawan dagiti scamers iti umno nga pannusa.
