LAOAG CITY – Ngimmato ti ranggo ti Philippine Women’s Volleyball Team wenno Alas Pilipinas iti maika-55 a puesto iti International Volleyball Federation world rankings kalpasan a nangabakda iti pool competition ti Asian Volleyball Confederation Challenge Cup for Women.
Kadagiti kallabes nga aldaw, pudno a naparmek ti Alas Pilipinas dagiti nakalabanda iti pool A pakairamanan ditoy ti Australia, India, Iran, ken Chinese Taipei.
Gapu iti daytoy, manipud iti dati a maika-63 a ranggo iti world ranking ti women’s volleyball ket ngimmato da iti maika-55 a puesto, bayat a nagbalin a maika-8 iti intero nga Asia.
Nagtalinaed met nga adda iti umuna a ranggo iti Asia ti team ti China, Japan, ken Thailand, nga agdama nga adda iti tengnga ti international volleyball competition.
