LAOAG CITY – Sabali manen a pammigbig ti maawat ti Philippine’s first Olympic gold medalist a ni Hidilyn Diaz gapu ta manamnama a maysa isunq kadagiti mabigbig kas Sports Hall of Famer ti pagilyan.
Ni Diaz ti Pinay weightlifter ken kaunaan nga atleta a Pinoy a nakagun-od ti balitok a medalya iti babaen ti 2020 Tokyo Olympics.
Ti pammigbig ket manamnama nga awaten ni Diaz iti San Miguel Corporation-Philippine Sportswriters Association Awards Night iti The Manila Hotel inton Enero 27, 2025.
Kadwa ni Diaz a mabigbig kas Hall of Fame ket dagiti sumagmamano nga sports legendary a da “Asia’s Sprint Queen” Lydia De Vega, “Eight Division World Champion” Manny Pacquiao, “World Bowling Champion” Paeng Nepomuceno, “World Eight Ball Champion” Bata Reyes ken Filipino “Chess Grandmaster” Eugene Torre.
