LAOAG CITY – Nanayunan ti PhilSys Center ditoy probinsya babaen iti Philippine Statistics Authority (PSA).
Segun kenni Mrs. Marilyn Vergara, Chief Statistician a nalukatanen ti PhilSys Center iti ili ti Marcos.
Inbatad na a dagiti registering officer iti ili ti Burgos ket immakar da iti ili ti Marcos gapo ta nalpas metten ti panagparehistro da.
Malaksid iti daytoy, manamnama pay ti panaglugat ti PhilSys Center iti ili ti Vintar intono Lunes.
Kabayatanna, target ti ahensya a mairehistro ti uppat a milyon a Pilipino iti intero a pagilyan ita a tawen.
Naamoan nga iti napalabas a tawen ket nagun-od ti ahensya ti 50 a milyon a target nga indibidual a mairehistro iti PhilSys ID.
