LAOAG CITY – Inlawlawag ni Engr. Rommel Viloria, iti Mariano Marcos State University, dagiti possible a rason no apay mahack ti maysa nga account iti facebook.
Kuna na a gapu iti ignorance wenno saan nga ammo dagiti wagas dagiti hackers tapno maagaw ti account manipud iti akinkukua.
Inbatad ni Viloria nga adda dagiti phishing site a ditoy a pakaallilawan dagiti users iti maysa a website nga arig nga isu iti orihinal.
Para kadagiti agus-usar iti dektop/laptop browsers, masapul a kitaen no lehitimo ti website.
Babaen iti panakamali a pannakaipan iti pribado nga impormasyon kas iti username ken password iti phishing site ket dita a maala dagiti hackers ti impormasyona mabalin da nga usaren iti iligal.
Mainaig iti daytoy, maysa pay a rason a mahack iti account ket iti pannakalipat nga i-log out dagiti account iti computer shop a mabalin a kurirwen ti sabali a tao.
Maiyarig met daytoy a wagas, no bilang mapukaw ti cellphone ken no bilang malukatan da ket maamuan da ti account ti maseknan.
