LAOAG CITY – Pormalen a nagsubli ti operasyon dagiti PhlSys Registration Booth kadagiti nagduduma nga ili ditoy probinsya ita nga aldaw.
Daytoy ket kalpasan a naisardeng iti uneg ti dua a lawas ti operasyon gapo iti pannaka-reprogram dagiti paslidad.
Dagiti addaan ti PhlSys Registration Booth ket ti ili ti San Nicolas partikular iti dakkel a Mall, Pinili, ciudad ti Batac, Bacarra, Burgos ken Pagudpud.
Inlawlawag ni Mrs. Marilyn Vergara nga awanen ti booth da ditoy ciudad ti Laoag gapo ta addan iti ili ti San Nicolas.
Kabayatanna, gutgutiguten ni Vergada ti publiko a saan pay a nakapagrehistro para iti National ID a mapan da kadagiti nadakamat a PhlSys Registration Booth.
