LAOAG CITY – Inbatad ni Dr. Rickson Balalio, ti mangidadaulo iti Provincial Health Office nga awan pay dagiti nairekord da a nagpasar ti heat stroke ditoy probinsya.
Daytoy ket iti baet ti mapaspasaran a nakaro a kinabara ti panawen ditoy probinsya.
Mangnamnama ni Balalio nga agtalinaed a zero case ti probinsya iti heat stroke.
Gapu iti daytoy, nagpalagip manen ni Balalio iti publiko a kanayunen ti uminom ti ado a danom, liklikan ti agtalinaed kadagiti napudot a lugar ken pagtalinaeden a nasalun-at ti bagi.
Kabayatanna, inpasigurado ni Dr. Balalio a nakasagana amin a Rural Health Units iti intero a probinsya a mangipaay serbisyo no adda dagiti possible nga agpasar ti heat stroke ken dadduma pay a sakit a mabalin a maala gapu iti kinabara ti panawen.
