LAOAG CITY – Inaprobaranen ni Presidente Ferdinand Marcos Jr. ti gakat a Fiscal Year 2025 National Expenditure Program (NEP) a mangsupsuporta kadagiti napateg a programa ti administrasion iti babaen ti Philippine Development Plan 2023-2028.
Ti gakat a national budget para iti fiscal year 2025 ket dumanonen iti PhP6.352 trillion.
Basar iti direktiba ken policy guidance ni Presidente Marcos, ipangpangruna ti gobierno ti food security, social protection, healthcare, housing, disaster resilience, infrastructure, digital connectivity ken energization.
Inbatad ni Presidente Marcos iti babaen ti inaprobaranna a National Expenditure Program, ti ahensia ti gobierno a makaala ti dakkel a pundo manipud iti gobierno ket ti education sector pakairamanan ti DepEd, SUCs, CHED, TESDA, public works (DPWH), health (karaman ti PhilHealth), interior and local government (DILG), ken defense (DND).
Karaman kadagiti top priorities para iti pundo ket ti social welfare, (DSWD), agriculture (DA) ken attached corporations; Department of Agrarian Reform (DAR); Department of Transportation (DOTr), judiciary ken ti justice.
Dakkel met ti pundo ti nailatang para iti maintenance ken dadduma pay nga operating expenses a sarunuen dagiti personnel services, capital outlays ken financial expenses.
