LAOAG CITY – Inlawlawag ni Barangay Chairman Alfredo Peralta iti Barangay 5 ditoy ciudad ti Laoag a sakbay a naduktalan a positibo ni IN-C2501 iti virus ket physically active daytoy no sadinno ket kanayon pay ti panagjogging na.
Ni IN-C2501, lalaki, agtawen ti 70 a residente iti Barangay da ket isu ti maika-34 a pimmusay ditoy probinsya a positibo iti sakit.
Segun kenni Peralta, saan da nga ammo no nakaalaan ni IN-C2501 ti virus ngem sakbay iti daytoy ket naggurigor rason a napan nagpa-check up, ditoy met a naduktalan a positibo iti antigen.
Gapo iti daytoy, naipan iti Gov. Roque Ablan Senior Memorial Hospital ditoy ciudad ti Laoag no sadinno ket positibo daytoyen iti covid-19.
Kunana a kalpasan ti sumagmamano nga aldaw ket naipan iti ICU iti Mariano Marcos Memorial Hospital and Medical Center iti ciudad ti Batac a ditoy ti nakaamoan da nga adda ti sakit a pnuemonia ti pasyente, agingga a pimmusay.
Kinumpirmaran pay ti kapitan a naakaran ni IN-C2501 ti asawa na ngem daytoy ket asymptomatic wenno awan ti sintomas na iti virus.
Naamoan a ni IN-C2501 ket dati a kapitan iti barangay ken maysa a pastor.
Kabayatanna, ti bangkay ni IN-C2501 ket macremate kas basar iti anak na.
