LAOAG CITY – Nadinnungpar ti maysa a motorsiklo ken utility vehicle iti Laoag-Paoay Road bisinidad ti Barangay Balatong ditoy ciudad ti Laoag.
Nabigbig ti driver ti motorsiklo a ni Mae Joyce Pambid Albano, agtawen ti 22, awanan asawa, maysa a call center agent ken residente iti Barangay Dancel iti ili ti Dingras.
Naamoan a ti nangiturong ti pick up ket ni Fernadez Sued Bruno, agtawen ti 53, naasaawaan, company driver ken residente iti Barangay Birbira iti ili ti Carassi ken ti kadwa na a ni Marjorie Bruno Pastor, agtawen ti 48.
Basar ti imbestigasyon, agpaamyanan a direksyon ni Albano idi nakadinnungpar na da Bruno nga immovertake manipud iti akin-kattigid a paset ti kalsada.
Gapo iti daytoy, naitaray ni Albano iti Laoag City General Hospital para iti pannakataming na idinto a dagiti karaman a lugan ket nadadael dagiti dadduma a parte na.
