LAOAG CITY – Addan iti proseso ti microbial test ti pickled quail eggs a naaramid dagiti agayan-ayat a developer iti ili ti San Nicolas.
Segun kadagiti developer nga agayan-ayan a ni Mr. Cedrick Gumtang ken Ms. Mary Cristine Labangcop, nairugi ti pannakaaramid ti pickled quail eggs idi Setiembre itay napan a tawen.
Kuna ni Gumtang a dagiti quail eggs ket aggapo a mismo ti quail farm na.
Immuna iti daytoy, inlawlawag na a ti proseso iti pickling method ket umabot iti dua a lawas.
Inpakaammo a dagiti laeng napintas a klase ti quail eggs ti maaramid kas pickle gapu ta makaperdi iti fermentation nu malaokan ti reject wenno dagiti adda ti buong na nga itlog.
Mainaig iti daytoy, kuna ni Gumtang a sumagmamano kadagiti ramen a mailaok iti pickled quail eggs ket ti white vinegar, asin, asukar ken dadduma pay nga spices.
Kabayatanna, inbatad ni Labangcop a masapol a dagus a mapagbalin a pickle dagiti itilog iti uneg ti 24 nga oras kalpasan a maapit tapno naim-imas ti raman na.
