LAOAG CITY – Karaman ti Pilipinas a maibilang a ‘most food insecure nation’ iti Southeast Asia manipud iti 2021 agingga 2023.
Basar iti datos manipud iti United Nations Food and Agriculture Organization, inbatad ti think tank Ibon Foundation a ti Pilipinas ti adda iti umuna a puesto nga adda ti 51 milyon a Pilipino ti makapaspasar ti ‘moderate wenno nakaro a food insecurity, maibasar iti ‘absolute numbers.’
No kitaen ti porsiento nga adda ti pakainaiganna iti populasion ti pagilian, ti Pilipinas ket adda iti maikatlo a puesto, sumaruno ti Timor Leste ken Cambodia.
Rumrummuar a 44.1% ti populasion ditoy Pilipinas ti nakapasar ti food insecurity, sumaruno ti Timor Leste nga addaan ti 53.7% ken Cambodia a 50.5%.
Inbatad ti Africa a ti food insecurity ket marukrukod iti babaen ti food prices ken abilidad dagiti Pilipino a gumatang iti inaldaw-aldaw a kasapulanda.
