LAOAG CITY – Nagtulag ti Pilipinas ken Indonesia a papigsaen pay ti kooperasyon ti dua a pagilyan kangrunaan na iti pulitikan ken seguridad.
Daytoy ti inrakurak da Presidente Ferdinand Marcos Jr. ken ni Indonesial President Joko Widodo.
Mainaig iti daytoy, iti joint press statement ti dua a lider kalpasan ti bilateral meeting da, inpaganetget ni Presidente Marcos a dakkel ti nagbalin a tulong ti Indonesia para iti pannakailungalong ti kapia ken panagdur-as iti Bangsamoro Autonomous Region in Muslim Mindanao (BARMM).
Segun ken ni Presidente Marcos, ti laeng napagsaritaan da ken ni Widodo ket personal ken awan ti nadakdakamat da maipapan iti pulitika.
Kuna ni Presidente Marcos a naaddaan da ti produktibo ken napudno a dayalogo wenno tapat iti regional mutual interest kangrunaan na iti isyu iti West Philippine Sea ken dadduma pay.
Kabayatanna, iti biang ni President Widodo, inbatad na a tallo a banag ti inpangpangruna na iti bilateral meeting da kenni Presidente Marcos.
Karaman ditoy ti politics and security, no sadinno a nagtulag da para iti naig-iget a border patrol ken border crossing.
Iti pakaseknan met ti ekonomiya ket lukatan da ti merkado tapno suportaran ti Pilipinas ti coffee products ti Indonesia.
Kiniddaw pay ni Widodo ken ni Presidente Marcos nga iyalisto ti konstruksyon ti north-south commuter rail project.
